नाकाबन्दी हटाउन सरकारबाट तराईमा सेना परिचालन

तीन महिनादेखि मधेसी मोर्चाको आन्दोलनका कारण तराईका राजमार्ग सहज रुपमा सुचारु नभएको भन्दै राष्ट्रिय सुरक्षा परिषदले राजमार्ग सुरक्षाका लागि सेना परिचालनको तयारी गरेको छ ।

बिहीबार बसेको सुरक्षा परिषदको बैठकमा चारै वटा सुरक्षा निकायका प्रमुखले तराई मधेसमा जारी आन्दोलनका कारण राजमाबैठकमा प्रधानमन्त्री केपी ओलीले सेना परिचालन गरेर भएपनि राजमार्ग सुचारु गर्नुपर्ने बताएको स्रोतले जानकारी दियो ।

उनले मोर्चाको आन्दोलनका कारण लामो समयदेखि रातमा मात्र प्रहरीको सुरक्षामा सवारी साधन चलेको भन्दै दिनमा र रातमा सहज रुपमा राजमार्ग सुचारु गर्न निर्देशन दिएका थिए ।
‘राजमार्गको सुरक्षाका लागि मात्र भएपनि सेना परिचालन गर्नुपर्छ ।’ प्रधानमन्त्री ओलीको भनाई उध्रित गर्दै स्रोतले भन्यो, ‘दिनमा र रातमा सहज रुपमा यातायात चल्नु पर्छ ।’
बैठकले केही दिनमै तराईका राजमार्ग सुरक्षाका लागि सेना परिचालन गर्ने निर्णय पनि गरेको छ । बैठकमा सुरक्षा निकायका प्रमुखले तराई आन्दोलनका कारण सुरक्षामा चुनौती थपिएको बताएका थिए ।
उनीहरुले तराई–मधेसमा जारी आन्दोलन चाँडै समाधान गरेर सहज वातावरण बनाउनुपर्नेमा जोड दिएका थिए ।
बैठकमा प्रधानमन्त्री ओली, रक्षामन्त्री भीम रावल, गृहमन्त्री शक्ति बस्नेत, अर्थमन्त्री विष्णु पौडेल र चारै सुरक्षा निकायका प्रमुखहरु सहभागि थिए ।र्ग अवरुद्ध भएकाले त्यसलाई खुलाउन बल प्रयोग गर्नुपर्ने बताएका थिए ।